ما يشبهونك بالحكي والسوالف

ما يشبهونك كلهم منك يغارون

بيني وبينك في المحبة تآلف

لو حاول العذال مهما يسوون

وأنا على عهد المحبين حالف

أنك وحيد بدنيتي لو يعرفون

وإن كان قصّر بعضنا ما يخالف

قلبي يحبك ما بها شك وظنون

لو غبت عني يصبح القلب تالف

يا فارقٍ بالزين عن كل مزيون

دوم يتجدد حبنا ويتحالف

لا صار فينا الحب ثابت ومصيون

يا صاحبي قلبي وقلبك توالف

والعقل بك هايم ومغرم ومجنون

أشتاق لك والشوق من وقت سالف

شوقٍ رسم طيفك وسط قلب وعيون