البر لا جيته غدا خاطري زين

لا صار جوه غيم زانت علومي

من ماضي الأزمان حتى إلى الحين

حبه يزيد فداخلي كل يومي

البر عاشوا فيه ناسٍ ميامين

منهم تعلمنا جميع السلومي

وحنّا على نهج الوفيين ماشين

وتظهر معادنّا في وقت اللزومي

شوف الصحاري يشرح الخاطر الشين

أنا جيتها في برد ولا سمومي

وتسري بي الأفكار مدري على وين

وآنا برجا ربٍ كريمٍ رحومي

يا ليل طوّل خلنا والمحبين

نسهر مع ضي القمر والنجومي

الجو زان وزانت علوم غالين

اللي سوالفهم تزيل الهمومي