يا عساني ما نحرم وصلك وشوفك

يا ربيع القلب وأزهاره وريفه

شفت كل الزين موجود بوصوفك

يا كثر زينك يابو نفسٍ لطيفه

في غيابك ما تفارقني طيوفك

وأسرح بعالم خيالك وأستضيفه

يا حبيبي العمر يا كبر معروفك

ما يضيق البال دام أنك حليفه

لو ظروفي ما يوافقها ظروفك

ما نتفارق لو ليالينا كليفه

دون حبي شاهر لغيري سيوفك

وأنت قلبي ما حدٍ غيرك وليفه

الحنان اللي لمسته في كفوفك

عبّرت عنه مشاعرك الرهيفه

كل كلمة سر عندي من حروفك

وكل عاشق لا عشق ما هو بكيفه