أول نقول الزين نادر ومصيون

يمكن نشوفه بس في بعض الأسفار

واليوم صرنا نشوف كل يوم مزيون

ولا في نفس اليوم عشره وتحتار

ولّا زمانك يا وكالة يقولون

الزين واجد ما نبي نسمع أخبار

العين بحرٍ ماله حدود ووزون

واحرص من الأمواج والبحر غدّار

واحذر من الدنيا ترى بليس ملعون

لا ينجرف قلبك معا كل تيار

لوّك هواوي تصبح اليوم مفتون

وتقول قلبي كن به دق مسمار

أما عشيري كنّه الدر مكنون

لو خيروني عنه ما عنّه اختار

حبّه في قلبي ماليٍ كل هالكون

له في خفوقي قصر من حوله أزهار