من غلاتك دايمٍ أسأل عليك

هايمٍ ولهان ومشتاق وأبيك

في غيابك يا حبيبي وش أسوي

دام روحي يا حياتي بين يديك

ودي أتطمن لو إني ما أشوفك

كيفها دنياك علمني بظروفك

والله إني أعشقك من كل قلبي

وكل لحظة ما تفارقني طيوفك

أنت تامر لو تبي مني عيوني

منهو غيرك اللي وصلني جنوني

لا تفكر إني في لحظة نسيتك

ما أبي غيرك ولو غيرك يبوني

صاحبي يا ليتني دايم معاك

يا أغلى من روحي وكل عمري فداك

يا دوى قلبي ويا بلسم جروحي

ما حدٍ يسوى بهالدنيا غلاك